Idman.biz
"Milan" "Yuventus"a müdafiəçi Federiko Qattinin mərkəz müdafiəçisi Koni de Vinter və hücumçu Santyaqo Ximeneslə mübadiləsini təklif edib.
İdman.Biz xəbər verir ki, bu barədə jurnalist Nikolo Skira X sosial media səhifəsində yazıb.
Mənbənin məlumatına görə, Turin klubu 27 yaşlı futbolçunu saxlamaq istəyir. Skira həmçinin "Milan"ın Qattinin yerinə yarımmüdafiəçi Samuele Riççi barədə mübadilə müqaviləsi bağlamağı düşündüyünə dair yayılan xəbərləri də təkzib edir.
Qatti bu mövsüm bütün yarışlarda 14 oyunda meydana çıxıb və iki qol vurub. Onun klubla hazırkı müqaviləsi 2030-cu ilin yayına qədərdir. Transfermarkt portalındakı məlumata görə, onun bazar dəyəri 20 milyon avrodur.
