Idman.biz
Mərakeş futbol millisinin məşqçilər heyətində dəyişiklik etmək istədiyi bildirilir.
İdman.Biz xəbər verir ki, Mərakeş Futbol Federasiyası dünya futbolunun tanınmış simalarından biri, "Barselona"nın sabiq futbolçusu Andres İnyestanı milli komandanın məşqçilər korpusuna dəvət etmək imkanını nəzərdən keçirir. Məlumata görə, bu məsələ federasiya daxilində müzakirə olunur və ideya ciddi şəkildə dəyərləndirilir.
Qeyd olunur ki, Mərakeş millisi son illərdə qazandığı beynəlxalq uğurları davam etdirmək və komandanın taktiki səviyyəsini daha da yüksəltmək məqsədilə İnyestanın təcrübəsindən yararlanmaq niyyətindədir. Onun oyun fəlsəfəsi və böyük turnirlərdəki təcrübəsi əsas üstünlüklər kimi qiymətləndirilir.
Xatırladaq ki, Andres İnyesta futbolçu karyerası ərzində "Barselona" və İspaniya millisi ilə çoxsaylı titullar qazanıb. O, peşəkar futbolçu karyerasını başa vurduqdan sonra məşqçilik istiqamətində fəaliyyətə başlamağı planlaşdırır.
Mərakeş millisinin hazırkı baş məşqçisi Valid Reqraqi rəhbərliyi altında bu cür təyinatın komandaya əlavə impuls verə biləcəyi vurğulanır.
