Idman.biz
Hazırda "Əl-Nəsr"də oynayan "Yuventus"un keçmiş hücumçusu Kriştianu Ronaldu, İtaliya klubuna qarşı məhkəmə iddiasını qazanıb.
İdman.Biz bu barədə "Football Italia"ya istinadən məlumat verir.
Klub maaş mübahisəsində portuqaliyalı oyunçuya ödənilən 9,8 milyon avronu geri qaytara bilməyəcək.
"Yuventus"un portuqaliyalı oyunçuya ödəniş qərarına qarşı apellyasiya şikayəti rədd edilib. Hakim arbitraj heyətinin 2024-cü ilin aprel qərarını qüvvədə saxlayıb və bu qərar hücumçunun klubdan ödəniş almaq hüququnu müəyyən edib.
Oyunçunun Turin klubu ilə "Yuventus"a koronavirus pandemiyası dövründə maaşını təxirə salmağa icazə verən razılaşması var idi. Lakin "byankoneri" hücumçu klubdan ayrılsa belə, ona vəd edilmiş vəsaiti köçürə bilməyib və bu da Ronaldunu məhkəməyə müraciət etməyə vadar edib.
Portuqaliyalı oyunçu 2018-ci ildən 2021-ci ilə qədər "Yuventus"da oynayıb.
