Sport24.az
"Daha bir futbol mövsümünün sonuna gəldik". Sport24.az xəbər verir ki, bu sözləri "Qarabağ"ın futbolçusu Marko Yankoviç sosial şəbəkə hesabında yazıb.
30 yaşlı monteneqrolu yarımmüdafiəçi Ağdam təmsilçisinin 2025/2026 mövsümündə tarixi nailiyyətlərə imza atdığını bildirib:
"Bir il davam edən, amma növbəti 100 il boyunca xatirələrdə yaşayacaq bir yol idi. Bu yolun bir parçası olan və mənə böyük sevinclər, həm də vacib dərclər yaşamaq şansı verən hər kəsə minnətdaram. Elə dərslər ki, təkcə futbolda deyil, həyatda da dəyərlidir. Bu mövsüm həm maraqlı, həm çətin, həm də həqiqətən öyrədici oldu. İndi isə sıra milli komandadır".
Qeyd edək ki, Marko Yankoviç 2022-ci ildən "Qarabağ"da çıxış edir. O, komanda ilə üç dəfə Premyer Liqanın, bir də ölkə kubokunun qalibi olub.
