Idman.biz
İngiltərənin "Mançester Yunayted" klubunun qadın futbol komandasının yeni baş məşqçisi müəyyənləşib.
İdman.Biz xəbər verir ki, komandanı bundan sonra 40 yaşlı ispaniyalı mütəxəssis Eva Olid çalışdıracaq.
Olid "Mançester Yunayted"lə 2028-ci ilin yayına qədər nəzərdə tutulan müqavilə imzalayıb. Sözləşmədə əməkdaşlığın daha bir il uzadılması ilə bağlı seçim də yer alıb.
İspaniyalı mütəxəssis bu vəzifədə Mark Skinneri əvəz edib. 2021-ci ildən komandaya rəhbərlik edən Skinner 3 avqustda klubdan ayrılıb. Onun rəhbərliyi altında "Mançester Yunayted" dörd mövsümdə dörd dəfə ölkə kuboklarının finalına yüksəlib və klub tarixində qadın futbolu üzrə ilk böyük titulunu qazanıb.
Olid son olaraq Şotlandiyanın "Harts" komandasına rəhbərlik edib. O, Edinburq təmsilçisini tarixində ilk dəfə Şotlandiya Qadınlar Premyer Liqasının çempionu edib.
