Idman.biz
Norveç Futbol Federasiyasının prezidenti Lise Klaveness Yozef Blatterin onun FIFA prezidenti postuna namizədliyinin irəli sürülməsi ilə bağlı açıqlamasını şərh etməkdən imtina edib.
Bundan əvvəl Blatter FIFA prezidentliyi postunda qadının özünü sınamasının vaxtının çatdığını deyib və Klavenessi Canni İnfantinonun əvəzinə beynəlxalq federasiyaya rəhbərlik etməyə təklif edib.
İdman.Biz xəbər verir ki, Klaveness NRK telekanalının efirində deyib:
"Blatter mən hələ futbolçu olduğum vaxt FIFA prezidenti idi. Yadımdadır, o, bizim daha qısa şortlarda oynamamızı istəyirdi və mən də həmin vaxt buna münasibət bildirmişdim. Amma onun bu yeni açıqlamasını şərh etməyəcəyəm".
Qeyd edək ki, FIFA-nın yeni prezidentinin seçkisi 2027-ci ilin martında Mərakeşdə keçiriləcək. Hazırda Canni İnfantino seçkidə yeganə namizəddir.
