Idman.biz
PSJ Fransa Liqa 1-in 21-ci turunda doğma meydanda "Marsel" üzərində böyükhesablı qələbə qazanıb.
İdman.Biz xəbər verir ki, paytaxt təmsilçisi rəqibini 5:0 hesabı ilə üstələyib.
Meydan sahiblərinin heyətində Usman Dembele iki dəfə fərqlənib. Digər qolları Xviça Kvaratsxeliya və Li Kan İn vurublar. Bir top isə "Marsel" müdafiəçisi Fakundo Medinanın avtoqolundan gəlib.
Bu nəticədən sonra PSJ 21 matçdan 51 xal toplayaraq turnir cədvəlinin lideridir. "Marsel" isə 39 xalla dördüncü pillədə qərarlaşıb.
22:34
"Strasbur" Fransa Liqa 1-in 21-ci turunda səfərdə "Havr"a 1:2 hesabı ilə uduzub.
İdman.Biz xəbər verir ki, qonaqlar matçın böyük hissəsini azlıqda keçiriblər. 29-cu dəqiqədə İsmael Dukure birbaşa qırmızı vərəqə alıb.
Meydan sahiblərinə qələbəni Stefan Zaqadu (26) və İssa Sumarenin (54) qolları gətirib. "Strasbur"un heyətində isə Marsial Qodo 36-cı dəqiqədə fərqlənib.
Paralel görüşlərdə "Oser"lə "Paris" qolsuz heç-heçə edib.
"Anje" isə "Tuluza" üzərində 1:0 hesablı qələbə qazanıb. Oyunda yeganə qolu 89-cu dəqiqədə Lillian Raolisoa vurub.
Bu nəticələrdən sonra "Strasbur" 30 xalla turnir cədvəlində yeddinci pillədə qalıb. "Havr" isə xallarını 23-ə çatdıraraq 13-cü yerə yüksəlib. "Oser" 14 xalla 16-cı, "Paris" 22 xalla 15-ci, "Anje" 29 xalla doqquzuncu, "Tuluza" isə 30 xalla səkkizinci pillədə qərarlaşıb.
20:10
Liqa 1-in 21-ci turunda "Monako" səfərdə "Nitsa" ilə qarşılaşıb.
İdman.Biz xəbər verir ki, görüş 0:0 hesablı heç-heçə ilə başa çatıb.
21 turdan sonra "Monako" 28 xalla turnir cədvəlinin 9-cu pilləsində qərarlaşıb. "Nitsa" isə 23 xalla 13-cü sıradadır.
Növbəti turda "Monako" öz meydanında "Nant"ı qəbul edəcək. "Nitsa" isə səfərdə "Lion"un qonağı olacaq.
