Idman.biz
Bu gün dünya futbolunun əfsanəsi Lionel Messinin 38 yaşı tamam olur.
İdman.biz xəbər verir ki, o, 1987-ci il iyunun 24-də Argentinanın Rosario şəhərində anadan olub.
Peşəkar karyerasının böyük hissəsini "Barselona"da keçirən Messi həmçinin PSJ-də, 2023-cü ildən isə "İnter Mayami"də çıxış edir.
O, karyerası ərzində dəfələrlə nüfuzlu turnirlərin qalibi olub, titul və mükafatlar qazanıb, çoxsaylı rekord və nailiyyətlərə imza atıb.
2005-ci ildən bəri Argentina millisində keçirdiyi 193 oyunda 112 qol vurub, 2022-ci ildə dünya çempionu olub.
Hamıdan çox - 8 dəfə "Qızıl top"u qazanan Messi 2020-ci və 2023-cü illərdə dünyanın ən yaxşı idmançısı kimi "Laureus" mükafatına layiq görülüb.
İdman.biz
