Sport24.az
Lionel Messi "Barselona"ya qayıda bilər, amma oyunçu kimi yox. Kataloniya klubu argentinalı futbolçunu karyerasını bitdikdən sonra rəhbərlikdə təmsil olunmasını müzakirə edir. Sport24.az xəbər verir ki, bu barədə "El Nacional" nəşri məlumat yayıb.
Messi "Barselona"da 17 il (2003–2021) keçirərək əsl əfsanəyə çevrilib. Bu müddət ərzində o, 778 matçda 672 qol vurub və 35 kubok qazanıb. O cümlədən Ktaloniya təmsilçisi ilə 10 dəfə ölkə çempionu olub, 4 dəfə Çempionlar Liqasının qalibi olub.
Qeyd edək ki, argentinalı ulduz bu yaxınlarda "İnter Mayami" ilə müqaviləsini uzadıb. Onun gələn il keçiriləcək dünya çempionatında iştirakı hələ də qeyri-müəyyən olaraq qalır.
