Idman.biz
"Barselona" və Polşa millisinin 37 yaşlı hücumçusu Robert Levandovski futbol karyerasının son illərinə qədəm qoyduğunu etiraf edib.
İdman.Biz xəbər verir ki, o, "Rymanowski Live" YouTube kanalında yayımlanan videoda 2026-cı ildə nələrə nail olmaq istədiyini açıqlayıb.
"Ümid edirəm ki, biz (Polşa milli komandası) iki seçmə oyunu keçirib dünya çempionatına vəsiqə qazanacağıq. Hər şeyə nail olmaq istərdim: Dünya çempionatında oynamaq imkanı, İspaniya çempionu və Çempionlar Liqası titullarını. Dərk edirəm ki, bunlar futbol karyeramın son illəridir" - Levandovski deyib.
2026-cı il dünya çempionatına vəsiqə uğrunda pley-off oyununda Polşa Albaniya ilə qarşılaşacaq. Əgər qalib gəlsə, Polşa millisi Ukrayna-İsveç matçının qalibi ilə oynayacaq.
