Idman.biz
"Barselona"nın prezidenti Joan Laporta klubun "Atletiko Madrid"in hücumçusu Xulian Alvaresə olan marağı ilə bağlı açıqlama verib.
İdman.Biz xəbər verir ki, Alvaresin "Atletiko" ilə müqaviləsi 2030-cu ilin yayına qədərdir.
"Xulian Alvares, deyilənə görə, "Barselona" sisteminə mükəmməl uyğunlaşacaq əla oyunçudur. Amma ona bir dünya pul xərcləməyə dəyməz. Əvvəlcə bu transferə hazır olduğunu göstərməlidir. Qiymət də məqbul olmalıdır", - deyə Laporta bildirib.
Bu mövsüm Alvares bütün yarışlarda 40 oyunda meydana çıxıb, 14 qol vurub və altı məhsuldar ötürmə edib. Transfermarkt portalındakı məlumata görə, Alvaresin bazar dəyəri 100 milyon avrodur.
