Idman.biz
İspaniyanın La Liqasında 20-ci turun "Real Sosyedad" - "Barselona" oyunu başa çatıb.
İdman.Biz xəbər verir ki, matç meydan sahiblərinin 2:1 hesablı qələbəsi ilə yekunlaşıb.
Görüşdə hesab 32-ci dəqiqədə "Real Sosyedad"ın hücumçusu Mikel Oyarzabal tərəfindən açılıb. 70-ci dəqiqədə "Barselona"nın forvardı Markus Reşford tarazlığı bərpa etsə də, cəmi bir dəqiqə sonra Qonsalu Gedeş katalonların qapısına ikinci qolu vurub.
Matçın son dəqiqələrində "Real Sosyedad" azlıqda qalıb. 88-ci dəqiqədə Karlos Soler kobud oyuna görə qırmızı vərəqə alıb. Lakin qalan vaxtda hesab dəyişməyib və "Barselona" say üstünlüyündən yararlana bilməyib.
20 turdan sonra "Barselona" 49 xalla turnir cədvəlinə başçılıq edir. "Real Sosyedad" isə 24 xalla doqquzuncu pillədə qərarlaşıb.
Növbəti turda "Barselona" yanvarın 25-də evdə "Ovyedo"nu qəbul edəcək. "Real Sosyedad" isə həmin gün öz meydanında "Selta" ilə qarşılaşacaq.
23:37
La Liqasnın 20-ci turu çərçivəsində "Selta Viqo" "Rayo Valekano"ya aman verməyib.
İdman.Biz xəbər verir ki, "Selta Viqo" biri penaltidən olmaqla üç cavabsız qol vurub. 40-cı dəqiqədə Serxio Karreyra, 54-cü dəqiqədə Zaraqoza, 79-cu dəqiqədə isə Rueda fərqlənib.
"Rayo" oyunu daha üstün keçirməsinə baxmayaraq 66-cı dədiqədə Mendinin qırmızı vərəqəsi ilə azlıqda qalıb.
"Selta" bu qələbə ilə xallarını 32-yə çatdıraraq turnir cədvəlinin yeddinci pilləsində qərarlaşıb. 22 xalı olan "Rayo" isə 12-ci pillədədir.
21:15
La Liqasnın 20-ci turu çərçivəsində "Atletiko" "Alaves"i qəbul edib.
İdman.Biz xəbər verir ki, oyun ev sahibinin qələbəsi ilə başa çatıb.
48 dəqiqədə vurulan yeganə qolun müəllifi Aleksander Serlot olub.
Bu qələbədən sonra "Atletiko" xallarını 41-ə çatdıraraq dördüncü pillədə qərarlaşıb. "Alaves" isə 19 xalla 18-cidir.
18:59
İspaniya La Liqasının 20-ci turu çərçivəsində "Xeta" - "Valensiya" qarşılaşması qonaqların qələbəsi ilə başa çaıb.
İdman.Biz xəbər verir ki, yeganə qolu 84-cü dəqiqədə Xose Qaya vurub.
Qələbə sayəsində "Valensiya" xallarını 20-yə çatdıraraq aşağı liqaya düşmək həddindən bir pillə uzaqlaşaraq 17-ci sırada qərarlaşıb. "Xetafe" isə 21 xalla 15-ci yerdədir.
18:45
İspaniya La Liqasının 20-ci turu çərçivəsində "Real Betis" "Vilyareal"ı qəbul edib.
İdman.Biz xəbər verir ki, ev sahibi komandanın açıq üstünlüyü şəraitində keçən oyun 2:0 hesabı ilə başa çatıb.
Qolları 57-ci dəqiqədə Aytor Ruibal və 83-cü dəqiqədə Pablo Fornalas vurub. Qonaq komandanın oyunçusu Santi Komesaniya 76-cı dəqiqədə komandasını azlıqda qoyub.
Bu qələbədən sonra "Betis" xallarını 32-yə çatdıraraq altıncı pilləyə yüksəlib. "Vilyareal" isə çempionluq yolunda xal itirərək 41 xalla üçüncü pillədə qərarlaşıb.
