Idman.biz
Madeyradakı Funşal Kafedralının qarşısında 2000-dən çox insan toplaşaraq Kriştianu Ronaldu və Corcina Rodrigesin burada nikaha daxil olmasını gözləyib.
İdman.Biz bildirir ki, Kriştianu fanatları, əksəriyyəti onun adı və 7 rəqəmi yazılmış forma geyinərək, kafedralın qarşısındakı meydana axın etməyə başladılar. Lakin həmin gün başqa bir cütlük - Fransada yaşayan və toy üçün adaya qayıdan Fabio Ramos və Fatima Nikol Kunya Teyşeyra evlənirdilər.
Kiçik mikroavtobusla ayrı-ayrı gələn bəyin dostları və gəlin rəfiqələri kilsəyə girmək üçün izdihamın arasından keçməli olublar.
Gəlini mərasimə aparan "Rolls-Royce" gələndə yüzlərlə insan mobil telefonlarını qaldıraraq maşını mühasirəyə alıb, bəziləri isə Kriştianu Ronaldunun üzü olan maska taxıblar. Toy iştirakçılarından biri izdihamı geri itələməyə çalışaraq qışqırdı: "Bu, Corcina deyil!"
Nəhayət, gəlin rəfiqələri və digər bəy rəfiqələri izdihamı geri itələyib Fatimanın ağ paltarda kilsənin girişinə gedə bilməsi üçün yol açmağı bacarıblar.
Toyu keçirən kafedral keşişi Markos Qonsalveş bildirib: "Sizə deyə bilərəm ki, onların Kriştianu Ronaldu ilə heç bir əlaqəsi yoxdur. Bu gün burada yalnız bir toy mərasimi keçirilir".
Keşiş həmçinin əlavə edib ki, futbolçunun gələcək toylar üçün kafedralı sifariş edəcəyinə inanmır.
Kriştianu Ronaldu hadisəyə sosial mediada reaksiya verib. "Əl-Nəsr"in hücumçusu media orqanının İnstaqram paylaşımına gülmək emojilə qoyub.
