Idman.biz
Üçüncü divizion komandası olan "Mursiya" ilə La Liqanın "Betis" komandaları arasında Kral Kubokunun 1/16 final mərhələsinin oyunu keçirilib.
İdman.Biz bildirir ki, oyun "Betis"in xeyrinə 2:0 hesabı ilə qurtarıb.
30-cu dəqiqədə "Betis"in hücumçusu Kuço Hernandes penalti zərbəsi ilə hesabı açıb. Oyunun sonlarında "Mursiya"nın qapıçısı Dieqo Pineiro öz qapısına qol vurub.
1/16 final mərhələsinin digər oyununda isə gözlənilməz nəticə qeydə alınıb.
"Xetafe" ikinci divizionun komandasına "Burqos"a məğlub olub. Burgosda keçirilən matç ev sahibi komandanın 3:1 hesablı qələbəsi ilə başa çatıb.
Qaliblərdən İnyiqo Kordoba 57-ci və 73-cü dəqiqələrdə iki qol vuraraq fərqlənib, David Qonsales isə 45+4-cü dəqiqədə penaltidən dəqiq zərbə vurub. Aleks Sankris "Xetafe"nin yeganə qolunu 32-ci dəqiqədə vurub.
Turnirin qalibi birbaşa 2026/2027 Avropa Liqasına vəsiqə qazanacaq.
Kral Kuboku hazırkı qalibi "Barselona"dır.
