Idman.biz
Hücumçu Kərim Benzemanın "Əl-Hilal"la müqaviləsi ləğv edilə bilər.
İdman.Biz-in məlumatına görə, Səudiyyə Ərəbistanı klubu yeni yüksək səviyyəli hücumçu ilə müqavilə bağlamaq üçün fransızla yollarını ayırmağa hazırdır.
Belə ki, indykaila News sosial mediada xəbər verir ki, Benzemanın "Əl-Hilal"dakı gələcəyi ciddi sual altındadır.
Mənbənin məlumatına görə, "Əl-Hilal" qarşılıqlı razılıqla Benzemanın müqaviləsini ləğv edə bilər. Klub daha bir güclü hücumçu ilə müqavilə bağlaya bilsə, bu addımı atmağa hazırdır. Bunun bir səbəbi isə "Qalatasaray"ın hücumçusu Viktor Osimhenə olan marağıdır.
Benzema "Əl-İttihad"dan ayrıldıqdan sonra 2026-cı ilin fevral ayında rəsmi olaraq "Əl-Hilal"a qoşulub. O, peşəkar karyerasına "Lion"da başlayıb, daha sonra 2009-cu ildə "Real Madrid"lə müqavilə imzalayıb və orada 14 mövsüm keçirib və 25 kubok qazanıb, o cümlədən beş Çempionlar Liqası titulunu qazanıb. 2022-ci ildə Benzema "Qızıl top"u qazanıb. 2023-cü ilin yayında Madriddən ayrılıb və karyerasını "Əl-İttihad"da davam etdirib, onunla birlikdə Səudiyyə Ərəbistanı liqası və kubok titullarını qazanıb və sonra "Əl-Hilala" keçib.
