Sport24.az
Rojerio Santosla vidalaşan "Kəpəz"in qapıçı axtarışı davam edir. Sport24.az-a daxil olan məlumata görə, gəncəlilər istədiklərini ölkə xaricində tapıblar. Lakin "çərçivə qoruyucusu" "sarı-göylər"in təklifini geri çevirib.
Söhbət Avropa Liqasında "Sabah"ın rəqibi olan "Selye"nin qapıçısı Rikardo Silvadan gedir. Premyer Liqa təmsilçisi 26 yaşlı portuqaliyalını "rənglərinə bağlamaq" üçün hərəkətə keçsə də, istədiyinə nail olmayıb. Rikardo karyerasını Sloveniya klubundan davam etdirmək niyyətində olduğunu bildirib.
Qolkiper karyerası ərzində vətəni və Sloveniya ilə yanaşı Gürcüstanda da çıxış edib. O, bu ilin yanvarından mövsümün sonuna qədər Batumi "Dinamo"sunun formasını geyinib.
Qeyd edək ki, bir neçə gün öncə "Kəpəz" və "Selye" arasında əməkdaşlıq müqaviləsi imzalanıb.
