Sport24.az
"Mançester Yunayted"in yarımmüdafiəçisi Kazemiro İngiltərə klubunda çıxışını davam etdirməyə köklənib. Sport24.az xəbər verir ki, "qırmızı şeytanlar"ın rəhbərliyi artıq braziliyalı futbolçu ilə yeni müqavilə ilə bağlı danışıqlar aparır.
Bu barədə "TEAMtalk" məlumat yayıb.
Yaxşı formada olan 33 yaşlı dayaq yarımmüdafiəçisi digər klublarla bütün təmasları dayandırıb. Onun əsas prioriteti "Mançester Yunayted"lə yeni sözləşmə imzalamaqdır.
Kazemironun klubla mövcud müqaviləsi 2026-cı ilin iyun ayının sonuna qədər qüvvədədir və daha bir mövsüm uzadılma bəndi yer alıb. Klub bu bəndi avtomatik aktivləşdirməyi planlaşdırmır. Premyer Liqa nəhəngi təcrübəli utbolçunun maaşının azaldılması şərti ilə yeni əməkdaşlıq şərtləri üzərində razılığa gəlmək istəyir.
Qeyd edək ki, Kazemiro cari mövsümdə Premyer Liqada 15 oyunda iştirak edib, 4 qol vurub və 1 məhsuldar ötürmə edib. O, Ruben Amorimin rəhbərliyi altında yenidən komandanın əsas oyunçularından birinə çevrilib.
