Sport24.az
Bu gün keçiriləcək bir oyunla Misli Premyer Liqasında 23-cü tura start veriləcək. Sport24.az xəbər verir ki, hesabat həftəsinin ilk qarşılaşması bölgədə baş tutacaq.
"Karvan-Yevlax" "doğma divarlar" arasında "Sumqayıt"ı qonaq edir. Meydan sahiblərinin durumu hər kəsə bəllidir. Turnir cədvəlinin son pilləsində qərarlaşan "ağ-qaralar" eliyanı tərk etməyə bir nömrəli namizəddir. Qış fasiləsinə qədər adı avrokuboklara iddialılar arasında çəkilən qonaqlar son 8 görüşdə qələbə üzünə həsrət qalıb. Saşa İliçin komandası həftəiçi kubokdada mübarizəni dayandırdığından məqsədinə çatmaq üçün indi bütün diqqətini çempionata yönəlmək məcburiyyətində qalıb.
Qeyd edək ki, turun digər qarşılaşmaları sabah və bazar ertəsi baş tutacaq.
Misli Premyer Liqası
III dövrə, XXIII tur
15:00. "Karvan-Yevlax" - "Sumqayıt"
Hakimlər: Əli Əliyev, Rəhman İmami, Gülnurə Əkbərzadə, Ruslan Quliyev
VAR: Fərid Hacıyev
AVAR: Zöhrab Abbasov
Hakim-inspektor: Əmrah İbrahimov
AFFA nümayəndəsi: Asif Əliyev
Yevlax. Şəhər stadionu.
