Sport24.az
"Fənərbaxça"nın baş məşqçisi Joze Mourinyo karyerasını İngiltərədə davam etdirə bilər. Sport24.az "The Sun"a istinadən xəbər verir ki, portuqaliyalı mütəxəssis ötən gün Şon Dayçla yolları ayıran "Everton"un "sükanı arxasına" keçə bilər.
Liverpul klubu İngiltərə Premyer Liqasının turnir cədvəlində 17 xalla 16-cı pillədə qərarlaşıb.
Qeyd edək ki, Mourinyo 2024-cü ilin yayında "Fənərbaxça"ya baş məşqçi təyin edilib. Mütəxəssis daha əvvəl "Roma" (İtaliya), "Tottenhem", "Mançester Yunayted", "Çelsi" (hamısı İngiltərə), "Real" (İspaniya), "Portu", "Leyriya" və "Benfika" (hamısı Portuqaliya) klublarını çalışdırıb.
