Sport24.az
"Barselona"nın prezidenti Joan Laporta istefa verib. Sport24.az xəbər verir ki, bu barədə Kataloniya klubunun rəsmi saytı məlumat yayıb.
İstefa rəsmi xarakter daşıyır. Laporta martın 15-də keçiriləcək seçkilərdə iştirak etmək üçün bu addımı atıb.
Prezidentlə yanaşı, klubun Direktorlar Şurasının bir hissəsi də istefa verib. İstefalar bu gün, yeni seçkilərin keçiriləcəyi tarix rəsmən açıqlanandan sonra rəsmiləşib.
Qeyd edək ki, Joan Laporta 2003-cü ildən 2010-cu ilə qədər "Barselona"nın prezidenti vəzifəsində çalışıb. 2021-ci ilin martında yenidən bu posta seçilib.
