Idman.biz
Niderland futbol millisinin və "Bayer Leverkuzen"in cinah müdafiəçisi Jeremi Frimponq növbəti zədə problemi ilə üzləşib.
İdman.Biz xəbər verir ki, bu barədə məlumatı Niderland yığmasının baş məşqçisi Ronald Kuman açıqlayıb.
Təcrübəli mütəxəssis gənc futbolçunun vəziyyətinin narahatlıq doğurduğunu bildirib. Kuman açıqlamasında bu hadisəni komanda üçün ciddi itki adlandırıb:
"Bu, həqiqətən böyük uğursuzluq oldu. Onu oyundan çıxarmaq məcburiyyətində qaldıq".
Hazırda futbolçunun zədəsinin dərəcəsi və yaşıl meydanlara nə vaxt qayıdacağı barədə dəqiq məlumat yoxdur.
