Idman.biz
İsveçrə Futbol İttifaqı (SFV) Canni İnfantinonun FIFA prezidenti postuna namizədliyini dəstəkləməkdən imtina edib.
İdman.Biz xəbər verir ki, SFV-nin Mərkəzi Şurası bu barədə qərarı sentyabrın 25-də keçirilən iclasında qəbul edib. İttifaq 2026-cı ilin iyununda elan etdiyi İnfantinoya dəstəyini geri götürüb.
Buna səbəb son aylarda baş verən hadisələrin yenidən qiymətləndirilməsi olub. SFV-də FIFA-da şəffaflıq və qərarların qəbulu prosesləri ilə bağlı suallar yaranıb. İsveçrə tərəfi xüsusilə ABŞ millisinin hücumçusu Folarin Baloqunun işi və "FIFA Forward Enterprise" proqramı ilə bağlı məsələləri qeyd edib.
SFV prezidenti Peter Knebel bildirib ki, təşkilat bir sıra vacib suallara cavab almayıb.
"FIFA-dakı tarixçə, məsuliyyət və qərarların qəbulu prosesləri ilə bağlı əsas suallar cavabsız qalır. Bu əsasda biz artıq Canni İnfantinonun namizədliyini dəstəklədiyimizi əsaslandıra bilmərik", – deyə Knebel qeyd edib.
Bununla yanaşı, İsveçrə Futbol İttifaqı qərarın FIFA ilə konstruktiv əməkdaşlığın dayandırılması anlamına gəlmədiyini vurğulayıb.
SFV beynəlxalq futbolda şəffaflığın, qaydalara riayət olunmasının və düzgün idarəçiliyin tərəfdarı olmağa davam edəcəyini bildirib.
