Sport24.az
Futbol üzrə dünya çempionatında 1/16 final mərhələsinin daha oyunu baş tutub. Sport24.az xəbər verir ki, İsveçrə millisi Əlcəzairlə üz-üzə gəlib.
Vankuver şəhərində keçirilən görüş avropalıların 2:0 hesablı qələbəsi ilə yekunlaşıb. Oyunda ilk qol 10-cu dəqiqədə vurulub. Brel Embolo "saatlar ölkəsi"ni hesabda önə çıxarıb. İkinci yarının əvvəlində isveçrəlilər hesab arasında fərqi iki topa çatdırıb. 46-cı dəqiqədə Dan Ndoye fərqlənib.
Qeyd edək ki, İsveçrə millisi 1/8 final mərhələsində Kolumbiya - Qana cütünün qalibi ilə qarşılaşacaq.
DÇ-2026
1/16 final mərhələsi
İsveçrə - Əlcəzair 2:0 (1:0)
Qollar: Brel Embolo, 10. Dan Ndoye, 46.
