Sport24.az
İranın qadınlardan ibarət milli komandasının baş məşqçisi Mərziyə Cəfərinin fikrincə, İran dövlət televiziyasının yaratdığı gərginlik bəzi oyunçuların Asiya Kubokundan sonra Avstraliyada qalmaq qərarına təsir edib. Sport24.az xəbər verir ki, o, bu barədə ölkəsinin mətbuatına açıqlama verib:
"Oyunçular Cənubi Koreyaya qarşı oyundan əvvəl dövlət himnini ifa etməmək qərarına gəldikdən sonra kanal aparıcısı Məhəmməd Rza Şahbazi bildirib ki, "xainlərlə müharibə dövründə daha sərt davranılmalıdır".
Bu yerdə onu da qeyd edək ki, ötən gün İran Futbol Federasiyası Cəfəri adından bəyanat yayıb və sonradan silinib: "Qızlarımız ilk matçda yaranan çətin atmosferdən əziyyət çəkdilər... Lakin evdə bu atmosferi anlamayan və bu diyarın qızlarına qarşı üsyana çağıranların daha böyük səhvi oldu. Federasiyadan bu məsələni araşdırmasını xahiş etdim, çünki oyunçularımızın üzərində psixoloji təzyiq var idi. Əminəm ki, belə bir atmosfer yaradılmasaydı, heç bir futbolçumuz Avstraliyada qalmazdı".
Məşqçi həmçinin Avstraliya hüquq-mühafizə orqanlarının təzyiqindən də xəbər verib:
"Avstraliya polisi oyunçuları bir neçə dəfə çağırıb, onlarla fərdi söhbətlər aparıb. Qızlarımıza Avstraliyada qalmağı təklif edib. Bu, yaranan siyasi atmosferin təsiri altında baş verib.
Xoşbəxtlikdən, komanda üzvlərinin əksəriyyəti imtina edib. Hətta əvvəlcə müsbət cavab verən Mohaddeseh Zolfi belə tezliklə fikrini dəyişib və Allahın köməyi ilə komanda ilə birlikdə İrana qayıdacaq. Golnoush Khosravi və Afsana Chatrenoor haqqında yayılan şayiələr də tamamilə yalandır - onlar hazırda Malayziyada bizimlədirlər və biz tezliklə İrana uçacağıq".
