Sport24.az
Növbəti mövsümdə Çempionlar Liqasında ən azı 5 ingilis klubu mübarizə aparacaq. Sport24.az xəbər verir ki, bu, mötəbər turnirin 1/4 final mərhələsinin ilk oyununda "Arsenal"ın "Real Madrid" üzərində 3:0 hesablı qələbəsi sayəsində mümkün olub.
Bu nəticədən sonra İngiltərənin cari mövsümün sonunda avrokubokların reytinq cədvəlində ikinci yerdən aşağı düşməyəcəyi müəyyənləşib.
Qeyd edək ki, yeni mövsümdə Premyer Liqa klublarının Çempionlar Liqasında sayı 7-yə çata bilər. "Aston Villa" bu mövsüm turnirdə qalib gəlsə, "Tottenham" və ya "Mançester Yunayted" isə Avropa Liqasını qazansa (bir şərtlə ki, hər üçü mövsümün sonunda Premyer Liqanın ilk 4-lüyə düşməsin), ingilislər nəhənglərin qatıldığı tunirdə maksimum sayda təmsil oluna bilər.
