Sport24.az
Ötən mövsüm icarə əsasında "Neftçi"də çıxış edən Freddi Varqas iki xarici klubun təklifini geri çevirib. Sport24.az-ın etibarlı mənbədən əldə etdiyi məlumata görə, Ukraynanın "Polesye" və Polşanın "Legiya" klubları 27 yaşlı vingeri heyətinə qatmaq istəyiblər.
Lakin Venesuela millisinin üzvü karyerasını yenidən "Neftçi"də davam etdirmək niyyətində olduğu üçün hər iki təklifi qəbul etməyib.
Hazırda Bakı təmsilçisi futbolçunun transfer hüquqlarına malik olan İsrailin "Makkabi" (Netanya) klubu ilə danışıqların son mərhələsindədir. Tərəflər arasında yaxın günlərdə yekun razılığın əldə olunacağı gözlənilir.
Qeyd edək ki, Freddi Varqas ötən mövsüm "Neftçi"nin heyətində 32 oyunda meydana çıxaraq 5 qol vurub və 8 məhsuldar ötürmə ilə yadda qalıb.
