Idman.biz
Fransa millisinin baş məşqçisinin keçmiş köməkçisi Jan-Lui Qasse 72 yaşında vəfat edib.
İdman.Biz bildirir ki, bu barədə "Marsel" klubunun mətbuat xidməti məlumat yayıb.
"Klub sadəcə bir məşqçidən daha çox şey itirib: futbol dünyasında hörmətli bir şəxsiyyəti, təcrübəli taktika mütəxəssisini və idman dəyərlərinə dərindən sadiq bir insanı itirib.
O, sakitliyini, tarazlığını və müdrik baxışlarını "Marsel"ə gətirdi. Həm oyunçular, həm də rəhbərlik tərəfindən dəyərləndirilirdi. O, ədalətli və diqqətli bir insan təəssüratı buraxdı, həm soyunma otağında, həm də xaricində dərin hörmətə malik idi", - deyə "Marsel"in açıqlamasında bildirilib.
Qasse 2024-cü ilin fevral-iyun aylarında "Marsel"in baş məşqçisi vəzifəsində çalışıb. O, 2010-cu ildən 2012-ci ilə qədər Fransa milli komandasında olub.
