Idman.biz
"Mançester Yunayted"in keçmiş baş məşqçisi Ser Aleks Ferqyuson Ruben Amorimin rəhbərliyi altında klubdakı hazırkı vəziyyəti qiymətləndirib.
İdman.Biz bildirir ki, Aleks Ferqyuson 1986-2013-cü illərdə kluba rəhbərlik edib.
"O (Amorim) yaxşı insandır. Bu işlər sadə deyil. Öz vaxtımı, "Liverpul"un zirvədə olduğu vaxtı xatırladım. Onlar fantastik bir klub idilər, Çempionlar kubokunu dörd dəfə qazandılar və sair, amma sonra yenidən liqanı qazanmaq üçün 31 il lazım oldu.
İndi də eyni vəziyyətdəyik. On il və ya on bir il çəkə bilər; bu, bir dövrdür.
Hər şeyi diqqətlə düşünməli və transfer siyasətimizin əvvəlkindən daha yaxşı olduğundan əmin olmalıyıq", - Ferqyuson deyib.
