Report.az
Venesuela millisinin baş məşqçisi Fernando Batista vəzifəsindən göndərilib.
"Report" xəbər verir ki, bu barədə Venesuela Futbol Federasiyası məlumat yayıb.
Qərarın komandanın nəticələrinin qənaətbəxş olmmaması səbəbindən verildiyi bildirilib. Komanda DÇ-2026-nın seçmə mərhələsində 18 xalla 8-ci yeri tutan kollektiv final mərhələsinə vəsiqə qazana bilməyib.
Qeyd edək ki, 55 yaşlı argentinalı mütəxəssis 2023-cü ilin martından komandanı çalışdırırdı. Venesuela millisi F.Batistanın rəhbərliyi altında 28 oyun keçirib, bunlardan 9-da qələbə qazanıb. 8 dəfə heç-heçə oynayan komanda qalan görüşlərdə məğlub olub.
Venesuela Futbol Federasiyası Venesuela millisi Futbol DÇ-2026
