Sport24.az
"Fənərbağça" itki ilə üzləşib. Sport24.az xəbər verir ki, İstanbul təmsilçisinin yarımmüdafiəçisi Marko Asensio sıradan çıxıb.
Bu barədə klubun mətbuat xidməti məlumat yayıb.
Asensio Super Liqada "Beşiktaş"la matçda (1:0) zədə alıb. Futbolçunun son durumu tibbi müayinədən sonra bilinəcək.
Həkimlərin ilkin rəyinə görə, Asensio azı bir həftə yaşıl meydanlardan uzaq qalacaq.
Marko bu mövsüm Super Liqada 24 oyunda 11 qol vurub, 13 məhsuldar ötürmə edib.
