Idman.biz
İtaliyalı tanınmış məşqçi Fabio Kapello İtaliya millisinin 2026-cı il dünya çempionatına vəsiqə qazana bilməməsinə reaksiya verib.
İdman.Biz bildirir ki, italiyalılar turnirdə oynamaq hüququ uğrunda pley-off matçında Bosniya və Herseqovina millisinə uduzublar (1:1, penaltilərdə 1:4).
"Bu, belə bir prestijə və tarixə malik bir komanda üçün qəbuledilməzdir. Bütün gecə yata bilmədim və hələ də baş verənlərə inana bilmirəm. Söhbət dördqat dünya çempionu olan bir komandadan gedir. Bu, idman faciəsidir, rüsvayçılıqdır. Bu, İtaliya futbolunun yaxın tarixində baş verən ən pis hadisələrdən biridir", - "Marca" Kapellodan sitat gətirir.
