Sport24.az
"Əsas məqsədimiz çempionatda qalmaq idi ki, bunu da bacardıq. Planlaşdırdığımızdan daha üst pillədə qərarlaşmaq isə fədakarlığımızın nəticəsidi". Bu sözləri Sport24.az saytına açıqlamasında "Mingəçevir"in baş məşqçisi Ədəhim Niftəliyev deyib.
"Nur şəhəri"nin təmsilçisinin çalışdırcısı həm son oyunu şərh edib, həm də mövsümboyu yaşadıqları problemi qabardıb: "27 turun hamısında rəqiblərə qarşı döyüşmüşük. Yeganə çatışmazlığımız "vuran ayağın" olmamasıdı. "Qaradağ Lökbatan"la görüşünün ilk hissəsində futbol oynayan tərəf biz olduq, qolları isə rəqib vurdu. Amma fasilədən sonra toparlandıq və son saniyəyə kimi mübarizə apardıq və bunun da nəticəsi kimi məğlubiyyətdən qaça bildik. Mövsümə müsbət notlarla yekun vurmağımıza görə şadam".
Qeyd edək ki, I Liqada çıxış edən "Mingəçevir" mövsümü 7-ci pillədə başa vurub.
ABDULLA İSMAYILOĞLU
