Lent.az
Əksər azarkeşlər Dünya çempionatını hər dörd ildən bir keçirilən bir bayram hesab etsələr də, bəzi banqladeşlilər üçün bu altı həftə çox təhlükəli bir dövrdür.
Lent.az-ın xarici mediaya istinadən məlumatına görə, hazırkı Dünya çempionatı zamanı Banqladeşdə futbol azarkeşləri arasında ölənlərin sayı artıb.
İndiyə qədər Dünya çempionatı ilə birbaşa və ya dolayı yolla əlaqəli ən azı 12 ölüm hadisəsi qeydə alınıb.
Məsələn, 38 yaşlı Məhəmməd Şəriful İslam Argentina-Misir oyunu zamanı digər azarkeşlərlə davadan sonra ölüb.
Argentinalı azarkeşlər Lionel Messinin penalti vura bilməməsini lağa qoyduqdan sonra oyunu çayxanadan izləyən sürücü hücuma məruz qalıb. İslam Braziliya millisinin azarkeşi olub.
"Futbola görə necə insanı öldürmək olar? Mənim iki qızım var. İndi kimə ata deyəcəklər? Qızlarım yetim qaldı. Ərimin qatillərinin ən ağır cəzanı almasını istəyirəm", - Şərifulun həyat yoldaşı Byuti Bequm deyib.
Ölkənin müxtəlif bölgələrində döyülmə, şübhəli bıçaq hücumları, elektrik cərəyanı vurması və yol-nəqliyyat hadisələri nəticəsində insanların öldüyü barədə məlumatlar var.
Əksər hallarda azarkeşlər qəribə ölümlərlə qarşılaşıblar: bəziləri oyuna gedərkən ölüb. Digəri isə futbolla bağlı mübahisə zamanı bıçaqlanaraq öldürülüb.
Üçüncüsü isə şənliklər zamanı futbol qapısının başına düşməsi nəticəsində ölüb. Bir çoxu isə Banqladeşdə çox sayda azarkeşin olduğu Braziliya və Argentina milli komandalarının azarkeşləri arasında baş verən toqquşmalar nəticəsində ölüb.
Dörd il əvvəlki məlumatlara görə, bu Asiya ölkəsində keçirilən 2022-ci il Dünya çempionatı zamanı azarkeşlər arasında baş verən toqquşmalarda 23 nəfər ölüb.
