Sport24.az
Kanadalı reper Dreyk Argentinanın DÇ-2026-nın finalının əsas vaxtında İspaniyanı məğlub edəcəyinə 1,5 milyon dollar pul qoyuluşu edib. Sport24.az xəbər verir ki, məşhur musiqiçi sosial media hesabında bu barədə paylaşım edib.
Argentina komandası qalib gələrsə, Dreyk 5 milyon dollardan çox pul qazanacaq.
Bu, Dreykin Argentina millisinin qələbəsinə pul qoyuluşu etdiyi ilk hal deyil. O, 2022-ci dünya çempionatının finalından əvvəl Argentinanın əsas vaxtda qalib gələcəyinə 1 milyon dollar pul qoysa da, uğursuz olmuşdu. Ötən mundialda cənubi amerikalılar penaltilər sayəsində titul qazanmağı bacarmışdılar.
Qeyd edək ki, DÇ-2026-nın finalı bu gün baş tutacaq. Həlledici görüşdə Argentina yığması İspaniya ilə qarşılaşacaq.
