Idman.biz
İngiltərənin "Mançester Siti" komandasının müdafiəçisi Natan Ake birdən-birə bir neçə İngiltərə Premyer Liqası klubunun diqqət mərkəzinə düşüb və bu maraq "Barselona"nın mümkün transfer planını sual altına salıb.
İdman.Biz "Caught Offside" nəşrinə istinadla xəbər verir ki, niderlandlı futbolçu ilə "Vest Hem", "Bornmut", "Kristal Palas" və "Fulhem" klubları maraqlanır.
Hər dörd klub Akeni heyətinə qatmaq üçün mübarizə aparmağa və bununla da futbolçunun "Barselona"ya keçidinin qarşısını almağa hazırdır.
Natan Ake 2020-ci ildən "Mançester Siti"nin formasını geyinir. Onun klubla mövcud müqaviləsi 2027-ci ilin yayına qədər qüvvədədir. Transfermarkt portalının məlumatına əsasən, müdafiəçinin bazar dəyəri 18 milyon avro (təxminən 33,3 milyon AZN) təşkil edir.
