Sport24.az
"Əl-Hilal"ın hücumçusu Darvin Nunes İngiltərə Premyer Liqasına qayıda bilər. Sport24.az xəbər verir ki, "Nyukasl" uruqvaylı futbolçunun xidmətində maraqlıdır.
Bu barədə "Team Talk" məlumat yayıb.
"Sağsağanlar"ın baş məşqçisi Eddi Hau Nunesi komandasında görmək istəyir. "Nyukasl" artıq 27 yaşlı forvardla danışıqlara başlayıb.
Qeyd edək ki, "Əl-Hilal" Darvin Nunesi mövsümün əvvəlində "Liverpul"dan 53 milyon avroya transfer edib. Uruqvay millisinin üzvü Səudiyyə Ərəbistanı təmsilçisinin heyətində meydana çıxdığı 24 rəsmi matçda 9 qol və 5 məhsuldar ötürmə ilə yadda qalıb.
