Idman.biz
İngiltərə Futbol Assosiasiyası (FA) Londonun "Çelsi" klubunu agentlərlə işləməkdə günahlandırıb.
İdman.biz bildirir ki, bu barədə jurnalist Ben Ceykobs X sosial şəbəkəsində məlumat verib.
"Çelsi" 2009-2022-ci illər arasında FA-nın agentlərin fəaliyyətinin tənzimlənməsi qaydalarını 74 dəfə pozmaqda ittiham olunub.
"Bu, əsasən, kluba Roman Abramoviçin rəhbərlik etdiyi 2010/2011-2015/2016 mövsümləri dövrünə aiddir. Çelsinin cavab verməsi üçün sentyabrın 19-na qədər vaxtı var", - Ceykobs yazıb.
"Çelsi" 2025/2026 mövsümündə İngiltərə Premyer Liqasının turnir cədvəlində ikincidir. Komanda üç oyunda yeddi xal qazanıb.
İdman.biz
