Sport24.az
Leverkuzen "Bayer"i yeni baş məşqçi axtarışlarını aktiv şəkildə davam etdirir. Sport24.az "Kicker" nəşrinə istinadən xəbər verir ki, "Bornmut"dan ayrılmağa hazırlaşan ispaniyalı mütəxəssis hələ də Leverkuzen təmsilçisinin əsas namizədi hesab olunur. Klub rəhbərliyi 43 yaşlı çalışdırıcını komandanın "sükanı arxasına" gətirməyə ümid edir.
Leverkuzen təmsilçisi Andoni İraola variantının baş tutmayacağı halda alternativ planını da hazırlayıb. Klubun əsas namizədlərindən biri hazırda Filipe Luisdir. 40 yaşlı mütəxəssislə danışıqların davam etdiyi bildirilir.
Qeyd edək ki, almaniyalıların yeni baş məşqçisinin kimliyinə əsasən Andoni İraolanın verəcəyi yekun qərardan sonra aydınlıq gələcək.
