Idman.biz
"Barselona" klubu 1C lisenziyası üçün bütün lazımi sənədləri şəhər şurasına təqdim edib.
İdman.Biz xəbər verir ki, bu barədə "Mundo Deportivo" məlumat yayıb.
Bu, "blauqrana"nın ev stadionu olan "Spotify Camp Nou"nun tamaşaçı tutumunu 45.000-dən 62.000-ə qədər artıracaq.
Şəhər şurası bu qərarı təsdiqləsə, tutum artımından sonrakı ilk oyun İspaniya La Liqasının 21-ci turunda keçiriləcək və Kataloniya klubu 25 yanvar 2026-cı ildə burada "Ovyedo" ilə qarşılaşacaq.
İspaniya liqasında oynanılan 18 oyundan sonra "Barselona"nın 46 xalı var və turnir cədvəlinə liderlik edir. Klub ən yaxın rəqibi "Real Madrid"dən dörd xal öndədir.
