Idman.biz
İspaniyanın "Barselona" futbol komandası ingilis hücumçu Markus Reşfordu birdəfəlik transfer etmək planları çətinə düşüb.
İdman.Biz xəbər verir ki, İspaniya klubunun futbolçunu 30 milyon avro (60 milyon AZN) qarşılığında transfer etmək hüququ mart ayının sonuna qədər qüvvədə idi.
Kataloniyalılar bu müddət ərzində transferi reallaşdıra bilməyiblər. İndi "Barselona" rəhbərliyi transfer məbləğini aşağı salmağa və ya forvardı yenidən icarəyə götürməyə çalışır. Lakin "Mançester Yunayted" bu təkliflərlə razılaşmır. "Qırmızı şeytanlar" nə qiyməti endirmək, nə də Markusu yenidən icarəyə vermək niyyətindədir.
