Idman.biz
İspaniyanın "Barselona" klubu La Liqanın XX turunda "Real Sosyedad"la keçiriləcək oyun ərəfəsində Rafinyanın sağlamlıq durumu ilə bağlı rəsmi açıqlama yayıb.
İdman.Biz xəbər verir ki, braziliyalı cinah hücumçusu bu gün San-Sebastyanda baş tutacaq qarşılaşmanın iştirak ərizəsinə daxil edilməyib. Klub qərarın ehtiyat tədbiri məqsədi daşıdığını bildirib.
"Əsas heyətin futbolçusu Rafinia sağ bud nahiyəsindən aldığı zədə səbəbindən ehtiyat tədbiri olaraq "Real Sosyedad"la matçı buraxacaq", – deyə katalon klubunun "X" sosial şəbəkəsində yayımlanan açıqlamasında qeyd olunub.
Xatırladaq ki, La Liqanın əvvəlki turunda "Barselona" "Espanyol"u 2:0 hesabı ilə məğlub edib. "Real Sosyedad" isə "Xetafe" üzərində 2:1 hesablı qələbə qazanıb. Növbəti turda katalonlar "Oviedo" ilə, San-Sebastyan təmsilçisi isə "Selta" ilə qarşılaşacaq.
