Idman.biz
İspaniyanın "Barselona" futbo klubu hücum xəttini gücləndirmək üçün alternativ variantlar üzərində işləyir.
İdman.Biz xəbər verir ki, Kataloniya təmsilçisi Xulian Alvaresin transferinin baş tutmayacağı halda "Sportinq"in hücumçusu Luis Suaresə yönələ bilər. 28 yaşlı kolumbiyalı futbolçu klubun nəzərdən keçirdiyi namizədlərdən biridir.
Luis Suares hazırda "Sportinq"in əsas oyunçularından biri olduğu üçün onun transferi də asan görünmür. Kolumbiyalı hücumçu Portuqaliya klubu ilə 2030-cu ilə qədər müqaviləyə malikdir.
"Barselona"nın yaxın günlərdə bütün diqqətini Alvareslə bağlı prosesə yönəltməsi, gələn həftədən etibarən isə bu transferdə irəliləyiş olmazsa, Luis Suares və digər alternativlərlə bağlı daha konkret addımlar atması gözlənilir.
Kataloniya klubunun mərkəz hücumçusu axtarışında başqa namizədləri də var. Son günlər Lautaro Martines və Georges Mikautadzenin də adı "Barselona" ilə hallandırılıb.
