Lent.az
"Barselona" Dubayda klub brendi altında lüks yaşayış kompleksi tikəcək - binalar, ictimai ərazilər və üzgüçülük hovuzlarından ibarət mini-şəhər olacaq.
Lent.az-ın xarici mətbuata istinadən verdiyi məlumata görə, layihə binalar, ictimai sahələr, üzgüçülük hovuzları və digər imkanlardan ibarət mini-şəhər olacaq. Klubun brendinqindən istifadə edərək, Kataloniya klubunu əks etdirən çoxsaylı simvolları özündə birləşdirəcək və futboldan kənarda da "Barselona" təcrübəsi təqdim edəcək.
Qeyd olunur ki, "Barselona" artıq bu kompleks üçün avans ödənişi alıb, baxmayaraq ki, müqavilə hələ rəsmi olaraq açıqlana bilmir, çünki Nümayəndələr məclisində təsdiqlənməlidir.
Bu, komandanın Joan Laportanın rəhbərliyi altında maliyyə vəziyyətini yaxşılaşdırmaq üçün bazar imkanlarını müəyyən etmək üzrə işini əks etdirən uzunmüddətli bir layihə olacaq.
Kataloniya klubunun prezidenti dekabrın sonunda Globe Soccer Gala xeyriyyə futbol gecəsində iştirak etmək üçün Dubayda olub.
