Idman.biz
"Barselona" mərkəz müdafiəsini gücləndirmək üçün "Atletiko Paranaense"nin müdafiəçisi Artur Diasın transferini nəzərdən keçirir.
İdman.Biz "El Nacional"a istinadən xəbər verir ki, katalon klubu solayaqlı mərkəz müdafiəçisi axtarışındadır. "Barselona"nın skautinq şöbəsinin rəhbəri 19 yaşlı futbolçunun oyununu izləmək üçün şəxsən Braziliyaya səfər edib.
Diasın çıxışı Braziliya millisinin məşqçilər korpusunun da diqqətini çəkib. O, sentyabrın sonunda Karlo Ançelottinin rəhbərliyi altında yığmada debüt edib.
Gənc müdafiəçiyə digər klubların da maraq göstərdiyi bildirilir. Buna baxmayaraq, "Barselona" Braziliya millisində böyük nüfuza malik Rafinyanın köməyinə ümid edir. Ehtimal olunur ki, cinah oyunçusu Diasla şəxsən danışaraq onu Kataloniya klubunu seçməyə inandıra bilər.
"Transfermarkt" Artur Diasın transfer dəyərini 15 milyon avro (30 milyon manat) qiymətləndirir. Bununla belə, mümkün keçidin 25-30 milyon avroya başa gələ biləcəyi qeyd olunur.
