Report.az
Azərbaycanın 19 yaşadək qız futbolçulardan ibarət millisi növbəti yoldaşlıq matçını keçirib.
"Report"un məlumatına görə, komanda Moldova yığması ilə ikinci dəfə üz-üzə gəlib.
"Dalğa Arena"nın ehtiyat meydanında baş tutan görüş rəqibin 5:3 hesablı qələbəsi ilə başa çatıb.
Qeyd edək ki, bu komandalar arasında sözügedən məkanda sentyabrın 14-də keçirilən və əsas vaxtı 2:2 hesabı ilə başa çatan görüşün penaltilər seriyasında (5:4) Moldova millisi qələbə qazanmışdı.
