Idman.biz
"Mənə çatacaq pulu qəpiyinə kimi aldım. May ayına kimi olan pulu almasaydım, heç vaxt razılaşmayacaqdım. Çünki o, mənim haqqım idi".
Bu sözləri "Karvan-Yevlax"ın sabiq baş məşqçisi Azər Həşimov deyib.
"Karvan-Yevlax"ın istefaya göndərdiyi baş məşqçi problemin həllində klubun yeni direktorunun rolunu da xüsusi qeyd edib:
"Karvan-Yevlax"a yeni direktor Elvin Əjdərli gəldi. Onunla bir neçə dəfə söhbətimiz oldu və gördüm ki, işi bacaran adamdır. Onun sayəsində klub prezidenti ilə əlaqə saxlanıldı və dəqiq informasiyalar verildi. Daha sonra isə mənə çatacaq vəsait tam şəkildə ödənildi".
Qeyd edək ki, Azər Həşimovun mövsümün sonuna qədər qüvvədə olan müqaviləsində 25 min manatlıq kompensasiya nəzərdə tutulurdu və mütəxəssis açıqlamasında bu məbləği aldığını bildirib.
