Idman.biz
"Artıq bir-birimizi yaxşı tanıyırıq. Əzmkar komandaya qarşı oynayacağıq. Qısa müddətdə dördüncü oyunumuza çıxacağıq. Təəssüf ki, son qarşılaşmada qələbə qazana bilmədik".
İdman.Biz xəbər verir ki, bu sözləri Azərbaycanın futbol milli komandasının baş məşqçisi Ayxan Abbasov Litva yığmasına qarşı keçirəcəkləri UEFA Millətlər Liqasının ikinci qrup matçından əvvəl təşkil olunan mətbuat konfransında deyib.
45 yaşlı mütəxəssis komandadakı psixoloji durumu və futbolçularla keçirilən söhbətin təfərrüatlarını bölüşüb:
"Futbolçularla söhbətimiz oldu. Sabah daha yaxşı oynamaq məcburiyyətindəyik. Futbolçulara inanıram. Lixtenşteynlə matçdan sonra çox məyus idilər. Bunu unutmalı və Litvaya qarşı mübariz oyun sərgiləməliyik".
Qeyd edək ki, D Liqasının ikinci qrupunun Azərbaycan - Litva oyunu oktyabrın 4-də, saat 17:00-da 8-ci km qəsəbə stadionunda keçiriləcək.
