Idman.biz
UEFA Avropa Liqasında yarımfinal mərhələsinin ilk oyunları keçirilib.
İdman.Biz xəbər verir ki, "Nottinqem Forest" evdə "Aston Villa"nı qəbul edib. Meydan sahibləri minimal hesabla qalib gəliblər - 1:0.
71-ci dəqiqədə Kris Vuud "Nottinqem Forest"in yeganə qolunu vurub.
Digər qarşılaşmada "Braqa" "Frayburq"la rastlaşıb. Matç 2:1 Portuqaliya klubunun qələbəsi ilə bitib.
Oyunda hesabı 8-ci dəqiqədə meydan sahiblərinin oyunçusu Demir Tiknaz açıb. 16-cı dəqiqədə Vinçenso Qrifo hesabı bərabərləşdirib. 90+2-də Mario Dorjeles meydan sahiblərinin qələbə topunu vurub.
Cavab görüşləri mayın 7-də olacaq.
09:25
Bu gün UEFA Avropa Liqasında yarımfinal mərhələsinin ilk oyunları keçiriləcək.
İdman.Biz xəbər verir ki, "Nottinqem Forest" evdə "Aston Villa"nı, "Braqa" isə "Frayburq"u qəbul edəcək.
Hər iki qarşılaşmaya Bakı vaxtilə saat 23:00-da start veriləcək.
İngiltərə Premyer Liqası təmsilçilərinin duelini Joao Pinherio, "Braqa" - "Frayburq" qarşılaşmasını isə Antoni Teyler idarə edəcək.
Komandalar arasında cavab oyunu mayın 7-də keçiriləcək.
