Idman.biz
İspaniya La Liqasında çıxış edən "Atletiko Madrid" ardıcıl üçüncü dünya çempionatının finalında ən çox futbolçu ilə təmsil olunan klub adını qazanıb.
İdman.Biz xəbər verir ki, İspaniya və Argentina milliləri arasında keçiriləcək DÇ-2026-nın həlledici qarşılaşmasında Madrid klubunun ümumilikdə 10 futbolçusu yer alacaq.
İspaniya millisində "Atletiko Madrid"i Markos Llorente, Mark Pubil, Aleks Baena və Alexandro Qrimaldo təmsil edəcək.
Argentina yığmasının heyətində isə Xulian Alvares, Nahuel Molina, Xuan Musso, Tyaqo Almada, Culiano Simeone və Niko Qonsales yer alıblar.
Qeyd edək ki, Qonsalesin müqaviləsi "Yuventus"a məxsus olsa da, futbolçu 2025/26 mövsümünü icarə əsasında "Atletiko Madrid"də keçirib.
"Atletiko Madrid"in dünya çempionatlarının finallarındakı təmsilçilik göstəricisi belədir:
DÇ-2018 - 4 futbolçu: Antuan Qrizmann, Lukas Ernandes və Toma Lemar Fransa, Şime Vrsalko isə Xorvatiya millisinin heyətində yer alıb.
DÇ-2022 - 4 futbolçu: Antuan Qrizmann Fransa, Rodriqo de Paul, Nahuel Molina və Anxel Korrea isə Argentina millisinin formasını geyinib.
DÇ-2026 - 10 futbolçu: İspaniya millisindən 4, Argentina yığmasından isə 6 oyunçu finalda Madrid klubunu təmsil edəcək.
"Atletiko Madrid"in rəsmi məlumatına əsasən, bu, 1934-cü ildən bəri dünya çempionatının bir finalında hər hansı klubun qeydə aldığı ən yüksək təmsilçilik göstəricisidir.
İspaniya - Argentina finalı iyulun 19-da Nyu-Cersidəki "MetLife" stadionunda, Bakı vaxtı ilə saat 23:00-da keçiriləcək.
