Report.az
"Araz-Naxçıvan"ın futbolçuları Misli Premyer Liqasının XIX turunda "Sabah"la matçda buraxdığı ardıcıl qollardan sonra ruhdan düşüb.
"Report" xəbər verri ki, bunu komandanın baş məşqçisi Andrey Demçenko oyundan sonra mətbuat konfransında deyib.
Mütəxəssis, öz səhvləri ucbatından qapılarında qollar gördüklərini söyləyib:
"Yaxşı komanda ilə qarşılaşdıq. "Sabah" həm müdafiədə, həm də hücumda yaxşı təşkilatlanmış kollektivdir. Öz səhvlərimiz ucbatından qapımızda qollar gördük. İlk dəqiqələrdən rəqibə təzyiq göstərməyə çalışdıq, lakin pressinq komanda işidir və biz buna görə ilk dəqiqələrdə üç qol buraxdıq. Halbuki hücuma çıxmağı planlaşdırırdıq. Ardıcıl qollardan sonra futbolçuların əhval-ruhiyyəsi aşağı düşdü. "Neftçi" ilə oyunda da eyni hal yaşandı. Futbolçularda narahatlıq göründü və bu da qərar verməyə mane olur. Hazırda komandanın müdafiədən hücuma uğurlu keçidi üzərində işləyirik. Bunun üçün vaxt lazımdır".
Qeyd edək ki, "Sabah" - "Araz-Naxçıvan" matçı qonaqların 4:1 hesablı qələbəsi ilə başa çatıb.
